كل شي بوقته حلو ( :

مع بداية كل سنة دراسية يبدأ كل واحد منا بوضع خطة مذاكرة
وترتيب وتنظيم للوقت , ويدخل القراءة بالجدول اليومي غصب ويبدأ يفكر
ويحاول يدخل الرياضة بالقوة وألخ
وبالأخير يسحب ويسوف ونفسه ترقع له لاحقين وأمس سويت رياضة واليوم
مايحتاج.. واليوم قريت بالنت أكثر من مقال يعني مو لازم تقرأ
وتبدأ سلسلة من الأعذار والتسويفات ( ما أدري كيف طلع جمع تسويف )
ووما إن تبدأ الإختبارات بالعد التنازلي إلا ونفسك تبدأ بحركات النص كم والهشك بشك ( :
وتبدأ تقولك أسمع ...
القراءة مفيدة للعقل ونص ساعة أو ساعة باليوم ماتضرك
بالعكس تنشط المخيخ ألي براسك المستدير ( قمة الحرص )
الحين أنت من زمان مادقيت على فلان وفلان وفلان
وتبدأ تجيب لك لستة من الأسماء بعضهم تستغرب كيف جو على بالك
ومايصلح الواحد يقطع الناس وتبدأ بتمثيل دور الإجتماعي اللطيف ( :
وقمة الإستهبال لما تقول لك أنو الشطرنج يزيد قوة تركيزك ...
وقمة الخبث لما تجيب لك أفكار إبداعية
ومشاريع جديدة وأحلام وردية >> ركزو على أحلام وردية
وقمة اللكاعة لما تقول لك فاضت القريحة يالله أكتب شعر ( :
وفي بعض ناس مثل نفسي ( طبعًا أنا ونفسي أثنين )
مايطلع لك ولا يدق عليك إلا وقت الإختبارات ..
وقمة النذالة لما تقول إسمع ..
إذا ماسويت رياضة راح تجيك أنواع الأمراض وإذا مرضت تموت
وإذا مت ما أستفدت شي من المذاكرة والدراسة ..
وأنت ماتصدق خبر فتروح تسوي رياضة ساعتين
وتجي تعبان وتنام ( :
أقوول
ذاكروا ذاكروا .. وخلوا الإستهبال عنكم
..
عن إذنكم بروح أذاكر ..